Elordada «Qarý-2011» operatsııasy ótkizildi
ASTANA. 20 qyrkúıek. QazAqparat - Astana qalasy aýmaǵyndaǵy jedel jaǵdaıdy saýyqtyrý, atys qarýy, jarylǵysh zattar qoldanylyp jasalǵan qylmystardy eskertý jáne ashý maqsatynda elordalyq saqshylar aǵymdaǵy jyldyń 19 men 21 qyrkúıeginde ótkizilip jatqan «Qarý-2011» jedel-aldyn alý sharasynyń barysynda birqatar jumystar atqardy.
Bul týraly Astana qalalyq ІІD baspasóz qyzmeti habarlady.
Reıdtik sharalar ótkizý barysynda elordalyq departamenttiń 870 qyzmetkeri sharaǵa jumyldyryldy.
Jedel-aldyn alý sharasyn ótkizý barysynda elordalyq polıtseıler azamattardyń azamattardyń arasynda qarýdy, oq-dárilerdi, jarylǵysh quraldardy óz erkimen tapsyrý boıynsha keń túrde túsindirý jumystaryn júrgizdi.
«Qarý-2011» jedel-aldyn alý sharasynyń birinshi kúniniń qortyndysy boıynsha polıtsııa qyzmetkerleri zańsyz saqtalǵan 12 qarýdy, onyń ishinde bir ıir oıyqty atys qarýy, 4 tegisuńǵyly qarý, 1 myltyq, 4 sholaq myltyq, 2 travmatıkalyq tapansha, 2 elektroshoker, 3 gazdy qarýyn tárkiledi.
Іshki ister organdarynda tirkelgen 110 atys qarýy - myltyqtar, karabın, gazdy jáne travmatıkalyq qarýlardyń zańdy aınalymy erejesin buzǵany úshin tárkilendi.
Bir táýlik ishinde barlyǵy 106 qarýdy saqtaý, qoldaný, tasymaldaý jáne tirkeý tártibin buzýshylyǵy anyqtaldy.
Sondaı-aq polıtsııa qyzmetkerleri jedel-aldyn alý sharasyn ótkizý kezinde 3023 qarýdyń jeke ıegerleri tekserdi. Sharanyń qorytyndysy boıynsha ákimshilik jaýapkershilikke 99 qarý ıegerleri tartylyp, qarýdy saqtaý erejesin buzǵany úshin ІІO tirkelgen 110 atys qarýy (onyń ishinde oıyq, atys, tegisuńǵyly atys, gazdy jáne travmatıkalyq) tárkiledi.
2011 jyldyń 19 qyrkúıeginde № 4 polıtsııa bólimshesi ÝPI qyzmetkerleri K. esimdi azamattyń turǵylyqty meken-jaıyn tekserý barysynda tegis uńǵyly ańshy qarýynyń ıesi men otbasy janjaly boıynsha qorǵaný nusqaýlyǵy qoıylǵandyqtan onyń MR-153, IJ-58 markaly ańshy myltyqtary tárkilenip, ruqsat berýge shekteý qoıý boıynsha materıal daıyndaldy.
