Elordada qarttar úıinde turatyn áıel joǵalyp ketti
NUR-SULTAN. QazAqparat – Elordada iz-túzsiz joǵalǵan 57 jastaǵy áıel tabyldy. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.
«Osy jyldyń 6 sáýirinde Esil aýdandyq polıtsııa basqarmasyna elorda turǵyny júginip, bir kún buryn Adyrna kóshesinde ornalasqan «Zabota» qarttar úıinen shyǵyp ketip qaıtyp oralmaǵan týysyn izdeýge járdemdesýdi ótindi. Joǵalǵan áıeldi izdeý jáne turǵan jerin anyqtaý úshin elordalyq polıtsııanyń jeke quramyna baǵyttama berildi. Sonymen qatar kómekke volonterler de keldi. Eriktiler polıtsııaǵa qol ushyn berip, kópqabatty úılerdiń aýlalaryn, adam kóp jınalatyn oryndardy, shatyrlar men jertólelerdi súzip shyqty», - dep atap ótedi departamentten.
Vedomstvo málimetinshe, qabyldanǵan is-sharalardyń arqasynda «LIDER.KZ» volonterleri joǵalǵan áıeldi Jetigen kóshesiniń boıynan taýyp, týystaryna tapsyrǵan.
«Eriktiler joǵalǵan balalar men qarttardy izdeýge atsalysyp, polıtsııaǵa úlken járdem beredi. Túrli tótenshe jaǵdaılarda kómektesedi. Sol arqyly olar ózderiniń azamattyq ustanymyn kórsetip júr», - dedi Nur-Sultan qalalyq polıtsııa departamentiniń krımınaldyq polıtsııa basqarmasy bastyǵynyń orynbasary Ashat Isenov.
