Elordada káriz qudyǵy qaqpaǵyn urlaǵan kúdikti ustaldy

NUR-SULTAN. QazAqparat – Elordada káriz qudyǵy qaqpaǵyn urlaǵan kúdikti ustaldy, dep habarlaıdy QazAqparat tilshisi.

«Tańǵy saǵat 8:00 shamasynda 102 nómirine Qarasaı batyr kóshesindegi úılerdiń biriniń aýlasynda belgisiz adamnyń káriz qudyǵy qaqpaǵyn urlaǵany týraly habarlama tústi. Oqıǵa ornynan avtosholǵyndaý kezekshiligi shuǵyl jiberildi. Patrýldik polıtsııa polki ekıpajynyń quramynda polıtsııa leıtenanttary Ádilbek Kerimbekov pen Abzal Óken boldy. Polıtsııa qyzmetkerleri aýmaqty jiti tintip, 20 mınýttyń ishinde jaqyn kóshelerdiń birinen metall qaqpaq arqalaǵan er adamdy ustady», - dedi Nur-Sultan qalalyq polıtsııa departamentinen.

Vedomstvo málimetinshe, ustalǵan azamat urlyq jasaǵanyn moıyndap otyr. Qazirgi ýaqytta kúdiktiń dál osyndaı qylmystarǵa qatysy tekserilip jatyr. Qylmystyq is qozǵalǵan.