Elordada qarııalarǵa "qamqorshyl" qylmysker ustaldy
NUR-SULTAN. QazAqparat – Elorda polıtseıleri egde jastaǵy áıeldi tonady degen kúdikpen er adamdy ustady, dep habarlaıdy qalalyq polıtsııa departamentine silteme jasaǵan QazAqparat.
Anyqtalǵandaı, er adam kóshede kele jatqan 85 jastaǵy áıeldiń qasyna baryp, azyq-túlik salynǵan sómkesin úıine aparyp bermek boldy. 44 jastaǵy er adamnyń ájeıge buǵan deıin de kómektesip júrgeni belgili boldy. Keıinirek ol úıdiń kireberisinde áıeldiń páterden shyqqanyn kútip turǵan. Ol esikti ashqan kezde, páterine kirip alǵan er adam kúsh qoldanyp, zeınetkerdiń altyn syrǵasy men kádesyı pyshaǵyn alyp ketti.
Saryarqa aýdandyq PB krımınaldyq polıtsııa bóliminiń qyzmetkerleri buryn sottalǵan, jumyssyz qala turǵynyn ustady.
Qazirgi kezde ol ýaqytsha oqshaýlaý abaqtysyna qamaldy, onyń osyǵan uqsas basqa qylmystarǵa qatysy anyqtalý ústinde. QR Qylmsystyq kodeksiniń 191-baby 2-bólimimen sot aldy tergeý amaldary júrgizilýde. Atalǵan adamnyń áreketinen zardap shekken, nemese onyń zańǵa qaıshy is-áreketteri týraly qosymsha aqparaty bar azamattar Saryarqa aýdandyq polıtsııa basqarmasyna (Aqbuǵy kóshesi 2-úı) kelýge nemese 71-60-80, 71-63-16, 71-60-28 nemese 102 nómirine habarlasýy kerek.
