Elordada qardy ýaqtyly tazalamaǵany úshin 50 PIK-ke aıyppul salyndy
NUR-SULTAN. QazAqparat - Elordada qardy ýaqtyly tazalamaǵany úshin 50 PIK (basqarýshy kompanııalar, JShS) aıyppul salyndy. Jalpy soma 1 mln 187 myń teńgeden asty, dep habarlaıdy qalalyq ákimdiktiń baspasóz qyzmeti.
Qys bastalǵaly QR ÁQBK 505-babyn (Qalalar men eldi mekenderdi abattandyrý erejelerin buzý) buzǵany úshin 23 merdiger uıym ákimshilik jaýapqa tartyldy. Aıyppul somasy 1 mln 800 myń teńgeni qurady.
Mysaly, «REM.KZ» JShS-ǵa Azııa park SOO-nyń mańaıyndaǵy aýmaqty der kezde qar men muzdan tazalamaǵany úshin 126 250 teńge aıyppul salyndy.
Aıta ketý kerek, keshe qalany qardan tazalaý jumystaryna 1 myńnan astam arnaıy tehnıka men 1652 jol jumysshylary jumyldyryldy. 23 jeltoqsannan 24 jeltoqsanǵa qaraǵan túni 24150 tekshe metr qar shyǵaryldy (2013 reıs). Barlyǵy 1051668 tekshe metr qar shyǵaryldy, bul 87639 reıs.
Foto: www.facebook.com/Akmaral Oljabaeva
