Elordada qaraýsyz qalǵan 500-ge jýyq káriz, elektr jelisi anyqtaldy

NUR-SULTAN. QazAqparat - Elordada 500-ge jýyq ıesiz jeli qalanyń balansyna alyndy. Bul qala tirshiligin tıimdi qamtamasyz etýge múmkindik beredi, dep habarlaıdy QazAqparat elorda ákimdiginiń resmı saıtyna silteme jasap.

Qalanyń tynys-tirshiligin qamtamasyz etý nysandaryndaǵy kommýnaldyq apattardyń bir sebebi — ıesiz, qaraýsyz qalǵan jeliler. Sebebi olarǵa tıisti kútim joq, ári is júzinde eshbir esepke alynbaǵan, dep jazdy búgin Nur-Sultan qalasynyń ákimi Altaı Kólginov Instagram paraqshasynda.

«Ótken jyldan bastap ıesiz, qaraýsyz qalǵan jeliler men nysandardy qala balansyna qabyldaý boı̆ynsha júı̆eli jumys júrgizip jatyrmyz. Ótken jyly 680 jeli anyqtalsa, qazir onyń 498-i ıelikke alyndy. Qalǵany boı̆ynsha júı̆eli jumys júrip jatyr. Iesiz qalǵan jelilerdiń arasynda elektrmen jabdyqtaý, sýmen jabdyqtaý, káriz jáne basqa jelileri bar», - dep jazady A.Kólginov.