Elordada karate kıokýshınkaıdan Qazaqstan chempıonaty aıaqtaldy
ASTANA. QazAqparat - Astanada karate kıokýshınkaıdan Qazaqstan chempıonaty aıaqtaldy, dep jazady «Habar» arnasy.
Elimizdiń 13 aımaǵynan 700-ge jýyq sportshy baq synaǵan jarysta Shyǵys jekpe-jeginiń myqtylary anyqtaldy. Qazir Qazaqstanda kıokýshınkaıdy serik etkender 15 myńnan asyp, buqaralyq sıpat aldy. Sondyqtan básekelestik deńgeıi de ósip keledi. Halyqaralyq qaýymdastyq elimizdegi karateniń damýyna oń baǵa berip, keler jyly jasóspirimder arasyndaǵy álem chempıonatyn Astanada ótkizýge sheshim shyǵardy. Dúnıejúzilik synǵa osy birinshilikte kózge túskender qatysady. Qazaqstan chempıonatynda Astananyń sportshylary jeńiske jetti. Soltústik Qazaqstan oblysynyń komandasy ekinshi orynǵa ıe bolsa, Pavlodarlyq órender úzdik úshtikten kórindi. Endi jeńimpazdar Eýropa chempıonaty men álem kýbogyna barady.
