«Qazir halyq tutynatyn qarapaıym zattar ekonomıkasy salasyna asa mán berilýde. Bizdiń baǵdarlama «Bıznestiń jol kartasy-2020» baǵdarlamasymen uqsas keledi. Baǵdarlamanyń erekshiligi tómen paıyzben nesıeniń berilýi. Sebebi búginde kóptegen ekinshi deńgeıli bankter nesıeni kemi 15 paıyz mólsherlememen beredi. Jáne bir ereksheligi baǵdarlama negizinde nesıeni 7 jylǵa deıin alýǵa bolady», - dedi Nur-Sultan qalasynyń aımaqtyq kásipkerler palatasynyń dırektorynyń orynbasary Beısen Jolboldıev ákimdikte ótken baspasóz máslıhatynda.

Onyń sózinshe, kásibin dóńgeletkisi kelip nesıe alǵan kásipkerge memleket tarapynan 50 paıyz kepildik beriledi.

«Bıyl otandyq taýar óndirýshilerdi qoldaý úshin úshin paıyzdyq mólsherlemesi 6 paıyz bolatyn qarapaıym zattar ekonomıka atty jeńldetilgen baǵdarlamasyn júzege asyrý bastaldy. Bul baǵdarlamany júzege asyrýdaǵy maqsatynda respýblıkalyq bıýdjetten 600 mlrd teńge qardy bólindi. Onyń ishinde agrarlyq sektordaǵy óńdeýge 100 mlrd teńge, agrarlyq saladaǵy óndiriske 100 mlrd teńge jáne óńdeý ónerkásibi men qyzmetterge 400 mlrd teńge bólindi», - dedi ol.

Sondaı-aq, kásipkerler palatasynyń ókili atalǵan qarjy elimizdegi ekinshi deńgeıli 9 bankke taratylǵanyn aıtty.

«Baǵdarlamanyń talaptary boıynsha EDB 15 paıyz kóleminde nesıe beredi, onyń 9 paıyzy «Damý» qory arqyly sýbsıdııalanady», - dedi B.Jolboldıev.