Elordada karantınnen shyqqan basqa qalanyń turǵyndaryna arnaıy kólik bólindi
NUR-SULTAN. QazAqparat - Nur-Sultan qalasy ákimdigi 14 kún boıy karantınde bolǵan basqa qalanyń turǵyndaryna arnaıy kólik bóldi, dep habarlaıdy QazAqparat elorda ákimdigine silteme jasap.
Barlyq azamattar shet elden ushyp kelgen. Olarda koronavırýs tabylmaǵan, endi olar Almaty, Pavlodar, Petropavl, Qaraǵandy jáne de basqa qalalarǵa óz úıine qaıtatyn boldy.
«Biz 24 naýryz kúni Dýbaıdan ushyp keldik. Dál sol kúni karantınge «Ramada Plaza» qonaqúıine ornalastyrdy. Qonaqúıde bolǵan 14 kún ishinde koronavırýsqa baılanysty birneshe ret saraptama jasady. Barlyǵy jaqsy boldy», - deıdi Pavlodar qalasynyń turǵyny Áıgerim Orazalına. Qaraǵandylyq Irına Lehman Nur-Sultanǵa Germanııadan ushyp kelgen. Qalaǵa túskennen keıin basqa da jolaýshylarmen birge «Ramada Plaza» qonaqúıine ornalastyrylǵan. Karantınniń kelesi kúnderinde aýrýhanada bolǵan.
«Bizden birneshe márte synama alyndy. Barlyǵy da teris nátıje kórsetti. Qonaqúıdiń taǵamdary, bizdi kútken medıtsına qyzmetkerleri de óte jaqsy boldy. Barlyǵy úshin rızashylyq bildiremiz», - deıdi Irına Lehman.
Ózge qalalarda turatyn azamattar úıge qaıtý úshin kólik uıymdastyrǵany úshin Nur-Sultan qalasy ákimdigine alǵys bildirdi.
