Elordada karantınge alynǵan aýmaq dezınfektsııalandy
NUR-SULTAN. QazAqparat - 200-den astam adam Abylaı han - Rysqulbekov — Músirepov – Mustafın kósheleriniń qıylysynda karantınge qorshaýǵa alynǵan aýmaqta aýqymdy dezınfektsııa jumysyn júrgizdi, dep habarlaıdy QazAqparat qala ákimdigine silteme jasap.
Dezınfektsııa jumysyna áskerı qyzmetshiler qatysty. Karantındik aýmaq tolyǵymen qamtyldy, dezınfektsııa jumystary jalǵasady. Aýmaqta ornalasqan 9 úı karantınge jabylǵan.
Ǵ.Músirepova kóshesi 4, 7, 7/1-úı, Q.Rysqulbekova kóshesi 4/1, 4/3, 16/1, 8a-úı, Ǵ.Mustafın kóshesi 21, 21/5-úı. Bul úılerdiń turǵyndaryna jaqyn mańdaǵy azyq-túlik dúkenine barýyna ǵana bolady. Qalǵan jaǵdaıda úıden shyǵýǵa qatań tyıym salynady.
Dári-dármekti tek tapsyryspen alýǵa bolady. Perımetr boıynsha qorshaý belgileri ornatyldy, polıtsııa kezekshilik atqaryp jatyr.
Elordada dezınfektsııa jumystary kún saıyn júrgizilip jatyr. 2 800-den astam turǵyn úı úshinshi ret dezınfektsııadan ótip jatyr. Kún saıyn óńdeý jumysyna shamamen 500 adam shyǵady.
Dezınfektsııa eritindisimen qalanyń barlyq bazarlary, medıtsınalyq mekemeleri, saýda ortalyqtary, sýpermarketter, ótkizý-baqylaý beketteri jáne basqa da adam kóp jınalatyn oryndar óńdelýde.
Eske sala ketsek, elordyń bas memlekettik sanıtarlyq dárigeri Sarqyt Beısenovanyń qaýlysymen Abylaı han-Rysqulbekov-Músirepov-Mustafın kósheleriniń kvadratynda shekteý sharalary engizilgen bolatyn.
