Elordada karantındi elemeı klıent qabyldaǵan SPA-salonnyń ıesi jazalandy
NUR-SULTAN. QazAqparat – Nur-Sultan qalasynyń tártip saqshylary klıentteri túngi ýaqytta demalǵan SPA-salondy anyqtap, onyń ıesine qatysty shara qabyldady, dep habarlaıdy QazAqparat tilshisi.
«Esil aýdanynyń mobıldi toby túngi reıd barysynda SPA-salondardyń birin tekserip, onda karantın rejıminiń shekteý sharalaryna qaramastan jumys júrgizilip jatqanyn anyqtady. Kottedjde ornalasqan salonǵa tártip saqshylary barǵan kezde SPA-protsedýra qyzmeti bes adamǵa kórsetilip jatqan», - dep habarlaıdy departamenttiń baspasóz qyzmeti.
Áýendi án, jaıly jaǵdaı men erkin demalys. Osyndaı jaǵdaıda kelýshilerge SPA-salondaǵy bes áıel qyzmet kórsetken. Tyıymdy elemegen nysan ıesi osylaısha kelýshilerdiń densaýlyǵyna qater tóndirip, shekteýlermen sanaspaǵan. Oǵan qatysty Ákimshilik kodekstiń 425-baby boıynsha hattama toltyryldy.
Polıtsııa, ákimdik jáne taýarlar men qyzmetterdiń sapasyn jáne qaýipsizdigin baqylaý basqarmasynyń qyzmetkerleri mobıldi top bolyp, reıd sharalaryn jalǵastyrýda. Kóńil kóteretin oryndar, meıramhana, dámhanalar men barlar, kompıýterlik klýbtardyń bári de tekserilip jatyr.
