Elordada karantınde jatqan 2 naýqastyń jaǵdaıy aýyr – basqarma
NUR-SULTAN. QazAqparat - Qazirgi ýaqytta Nur-Sultan qalasyndaǵy juqpaly, pravızorlyq jáne karantındik aýrýhanalarda 1406 adam jatyr. Onyń 105-i – bala. Nur-Sultan qalasynyń qoǵamdyq densaýlyq saqtaý basqarmasynyń bacshysy Sáýle Qısyqova aıtty, dep habarlaıdy QazAqparat tilshisi.
«Qazirgi ýaqytta Nur-Cultan qalasynda koronavısýr juqtyrǵandar sany – 107. Onyń ishinde ekeýi saýyǵyp, aýrýhanadan shyǵaryldy. 27 naýryz kúni koronavırýs juqtyrǵan taǵy 25 jaǵdaı, 28 naýryz kúni 32 jaǵdaı tirkeld. Onyń 41-i buryn ızolıatsııada bolǵan adamdar. Olar qazirgi ýaqytta statsıonarlyq baqylaýda. 6 jaǵdaı monıtorıng júrgizgen kezde anyqtalǵan. 1 azamat epıdemıologııalyq jaǵdaıy nashar elden kelgen bolsa, 5-eýi koronavırýs juqtyrǵandarmen baılanysta bolǵan adamdar», - Sáýle Qısyqova Habar 24 arnasynda ótken onlaın brıfıngte.
Qazirgi ýaqytta koronavırýspen aýyratyny zerthanalyq jolmen dálildengen azamattyń bári aýrýhanada jatyr.
«Olarmen baılanysta bolǵan adamdardy anyqtaý jáne olardy oqshaýlaý jumystary bastalyp ketti. Qazirgi ýaqytta qalalyq stantsıonarda jatqan koronavırýs juqtyrǵan adamdar ishinde ekeýi turaqty aýyr jaǵdaıda jatyr. Olar jasandy tynys alý qurylǵysymen jatyr. Dárigerler konsılıýmy qurylyp, emdeý joldary men ádisteri engizilip jatyr. Olar koronavırýstyq ınfektsııa hattamasy boıynsha em alýdy jalǵastyrýda. Qalǵan naýqastardyń jaǵdaıy qanaǵattanarlyq. Olar da em alyp jatyr», - deıdi ol.
