Elordada karantın tártibin únemi buzatyn laýndj-bar anyqtaldy
NUR-SULTAN. QazAqparat – Eldegi tártipke qaramastan keıbir kásipkerler karantın erejesin birneshe ret buzǵan, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Quramynda ákimdik, Qalalyq orta sapasy jáne baqylaý basqarmasy, jergilikti polıtsııa qyzmeti ókilderi bar mobıldik top kásipkerlik mekemelerine tekseris júrgizip jatyr. Tekserý barysynda búgin túngi 01.45-te «Shıshka» laýndj-bary karantın tártibin buzǵany anyqtaldy. Túngi ýaqytta, jumys kestesin buzyp ári bas sanıtarııa dárigeriniń talabyn elemegen mekemede 60 kelýshi demalyp otyrǵan.
Buǵan deıin bar birneshe ret ákimshilik jaýapqa tartylǵan, biraq qorytyndy shyǵarmaı, normany qaıta buzyp tur.
Polıtsııa qyzmetkerleri karantın tártibin túsindirip, aqparat berdi.
Karatındi qaıta buzǵany týraly jınalǵan materıal ákimshilik jaýapqa tartý úshin Qalalyq orta sapasy jáne baqylaý basqarmasyna jiberildi.
Nur-Sultan qalasynyń polıtsııa departamenti karantın erejesin buzǵan azamattarǵa ákimshilik jaýapkershilik júkteletinin eskertip, polıtseılerdiń zańdy talaptaryna qarsy shyqpaýdy suraıdy.
