Elordada karantın talaptaryn saqtamaǵan taǵy 100 mekeme jabyldy
NUR-SULTAN. QazAqparat - Elorda ákimdiginiń monıtorıng toby Saryarqa aýdanynda ornalasqan shaǵyn bıznes nysandarynyń karantın talaptaryn saqtaýyn tekserdi, dep habarlaıdy QazAqparat tilshisi.
Nur-Sultan qalasy Saryarqa aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń ókili Damıra Nurannyń aıtýynsha, búginge deıin 300-ge jýyq dúken, dámhana men meıramhanaǵa monıtorıng jasalǵan.
«Qazirgi ýaqytta Saryarqa aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń ókilderinen jasaqtalǵan mobıldi top karantın sharalarynyń saqtalýyn qadaǵalaý maqsatynda aýdan aýmaǵyndaǵy shaǵyn bıznes nysandaryna monıtorıng júrgizip jatyr. Monıtorıng jumystary Nur-Sultan qalalyq bas sanıtarlyq dárigeriniń qaýlylaryn oryndaý maqsatynda júrgizilýde. Búgingi tańda basqarma mamandary 300-ge jýyq nysanǵa monıtorıng júrgizdi. Onyń ishinde 100 nysanda atalǵan qaýly talaptarynyń oryndalmaıtyndyǵy anyqtalyp, jiberilgen kemshilikter túzelgenshe shaǵyn bıznes sýbektileri ýaqytsha jabyldy. Monıtorıng – bul tekserý emes. Tekserý bolǵan jaǵdaıda shaǵyn kásipkerlik nysandaryna 100 aılyq eseptik kórsetkishke deıin aıyppul salynatyn edi. Al monıtorıng barysynda tek túsindirý jumystaryn júrgizip jatyrmyz», - dedi ol.
Osy rette departament ókili qoǵamdyq tamaqtaný oryndarynda qandaı sharalardy saqtaý kerektigin aıtyp berdi.
«Qoǵamdyq tamaqtaný oryndarynda ústelderdiń arasyndaǵy áleýmettik araqashyqtyq 2 metr bolýy tıis. Daıashylar maska taǵyp, qoldaryna qolǵap kııýleri qajet. Al kelýshiler nysanǵa kirgende qoldaryn antıseptıkpen zalalsyzdandyrýy, tamaqtanatyn orynǵa deıin maskamen barýy tıis. Jalpy mundaı nysandarda áleýmettik araqashyqtyq, maska rejımi saqtala bermeıdi», - dedi Damıra Nuran.
Osydan keıin BAQ ókilderi atalǵan manıtorıng top ókilderimen birge Saryarqa aýdanyndaǵy birqatar nysanda bolyp, olardyń jumys isteý barysymen tanys boldy. Monıtorıng tobynyń ókilderi dúken, dámhana ákimshilerine karantın talaptaryn saqtaý qajettigin túsindirip, naqty nusqaýlyqtar da berdi.
Aıta keteıik, elordada mekemelerdiń sanıtarlyq talaptardy saqtaýyna reıd júrgizilip, zańbuzýshylyqtar anyqtalǵan nysandardyń jumysy qaıta toqtatylýda.
