Elordada karantın talaptaryn elemeı otyrǵan turǵyndar áli de bar - polıtsııa
NUR-SULTAN. QazAqparat – Elordada karantın talaptaryn buzyp, zańdy elemeı otyrǵan azamattary áli dep jeterlik. Olardy elordalyq polıtsııa qyzmetkerleri arnaıy tekserý barysynda anyqtady, dep habarlaıdy QazAqparat.
Nur-Sultan qalalyq Polıtsııa departamentiniń baspasóz qyzmeti taratqan málimetterge qaraǵanda, qazirgi tańda qatań karantın sharalaryna qaramastan, keıbir azamattar sý qoımalaryna demalysqa shyǵyp, ruqsat etilmegen jerlerde shomylýdy toqtatpaı otyr.
Polıtsııa jáne Tótenshe jaǵdaılar departamentiniń qyzmetkerleri ózen jaǵalaýlarynda azamattarǵa arnaıy broshıýralar taratyp júr.
Nur-Sultan qalasynyń Polıtsııa departamentiniń ókilderi turǵyndarǵa karantın kezinde qalalyq jaǵajaılarda sýǵa túsýge qatań tyıym salynǵanyn eske salady.
Azamattardyń ruqsat etilmegen jerlerde sýǵa túsýine jol bermeý, maska rejımi men karantındi saqtaý maqsatynda jergilikti polıtsııa qyzmetkerleri Esil, Aqbulaq ózenderiniń jaǵasynda, sondaı-aq Trıatlon saıabaǵy aýdanynda arnaıy reıd sharalaryn ótkizdi.
«Іs-sharalar barysynda polıtsııa qyzmetkerleri ereje buzǵan 15 tulǵany ákimshilik jaýapqa tartty. Sondaı-aq polıtsııa qyzmetkerleri 7 zańdy tulǵany jaǵalaý boıyndaǵy Maqataev kóshesinde sýǵa shomylýǵa jol bergeni úshin Ákimshilik quqyq buzýshylyqtar týraly kodekstiń 364-babynyń 1-bólimimen jaýapqa tartty. Sonymen birge, tártip saqshylary azamattardyń sanıtarlyq norma jáne áleýmettik qashyqtyqty ustaný erejelerin saqtaý týraly túsindirý jáne aldyn alý jumystaryn júrgizdi»,-delingen polıtsııanyń habarlamasynda.
