Elordada karantın talaptaryn buzǵany tórt mekeme jaýapqa tartyldy

NUR-SULTAN. QazAqparat - Nur-Sultannyń mobıldi toptary karantın rejımin buzǵan kásipkerlik nysandaryn anyqtaý úshin kúsheıtilgen jumys júrgizip jatyr. Keshe túnde shekteý sharalaryn saqtamaǵan taǵy 4 mekeme jaýapqa tartyldy, dep habarlaıdy QazAqparat qala ákimdigine silteme jasap.

Koronavırýs ınfektsııasynyń aldyn alý, taralý jáne juqtyrý qaýpine qaramastan, keıbir mekemeler karantın shekteýin júıeli túrde buzyp keledi.

14 sáýirde túnde Esil aýdanynda ornalasqan «Coffee Vista» kofehanasy belgilengen jumys rejımin saqtamaı kelýshilerdi qabyldady. Osyndaı jaǵdaı Saryarqa aýdanyndaǵy «Karima» kafesi men «Panaehalı» atmosferalyq barynda qaıtalandy.

Baıqońyr aýdanynda jumys isteýine tyıym salynǵanyna qaramastan Respawn oıyn klýby kelýshilerdi qabyldady.

Jınalǵan materıaldyń bári sanıtarlyq-epıdemıologııalyq baqylaý basqarmasyna shara qoldaný jáne quqyq buzýshylardy ákimshilik jaýapkershilikke tartý úshin tapsyryldy.

Esterińizge sala keteıik, Nur-Sultan epıdemıologııalyq ahýaldy baǵalaý matrıtsasy boıynsha qyzyl aımaqqa engenine bir aıdan asty. Qaladaǵy epıdemıologııalyq jaǵdaı áli de qubylmaly.