Elordada karantın talaptaryn buzǵandarǵa 37 mln teńge aıyppul salyndy
NUR-SULTAN. QazAqparat – 10 qarashadan 24 jeltoqsanǵa deıin Nur-Sultan qalasynyń aýdandyq sanıtarlyq-epıdemıologııalyq baqylaý basqarmalaryna shekteý jáne karantındik is-sharalardy buzǵan kásipkerlik sýbektilerine qatysty 252 shuǵyl eskertpe kelip tústi, dep habarlaıdy QazAqparat tilshisi.
Elordanyń bas sanıtarlyq dárigeri Janna Pirálıevanyń aıtýynsha, atalǵan eskerpeler negizinde nysandarda 199 jospardan tys tekserý júrgizildi. Onyń nátıjesi boıynsha kemshilikterdi joıýǵa qatysty 175 nusqaý berilip, 37 433 550 teńge somasyna 180 jeke jáne zańdy tulǵa ákimshilik jaýapkershilikke tartyldy.
«Qazirgi kezde elordanyń quqyq qorǵaý organdarynan aýdandyq sanıtarlyq-epıdemıologııalyq baqylaý basqarmalaryna karantındik is-sharalardy buzý faktileri boıynsha materıaldar kelip jatyr. 5 shildeden bastap 2422 raport kelip, olar boıynsha jalpy somasy 233 502 564 teńgege 1200 jeke, laýazymdy ári zańdy tulǵa ákimshilik jaýapkershilikke tartyldy», - dedi J. Pirálıeva onlaın brıfıngide.
Atap aıtqanda, jalpy 5 shildeden beri shekteý talaptaryn oryndamaǵany úshin aýdandyq basqarmalar 270 936 114 teńge somasyna 1380 jeke, laýazymdy jáne zańdy tulǵany ákimshilik jaýapkershilikke tartqan.
