Elordada karantın talaptaryn buzǵan tórt mekeme jaýapqa tartyldy

NUR-SULTAN. QazAqparat - Elordanyń monıtorıngtik toptary birneshe aı boıy kúsheıtilgen rejımde jumys istep, qalanyń kásipkerlik nysandary arasynda karantın talaptaryn buzýshylardy anyqtap keledi. Bul shekteý sharalaryn saqtamaıtyn mekemeler sanyn azaıtýǵa septigin tıgizýde, dep habarlaıdy QazAqparat qala ákimdiginiń resmı saıtyna silteme jasap.

Keshe, ıaǵnı 2 maýsym kúni monıtorıng toptary tórt mekemeni ákimshilik jaýapkershilikke tartty.

Almaty aýdanynyń Balqantaý kóshesinde ornalasqan «Iskender» saýnasy men syra paby karantın talaptaryn buzǵany anyqtaldy.

Saryarqa aýdanynda ornalasqan «Insane» PS klýby jumys rejıminiń saǵat 23:00-ge deıin shektelgenine qaramastan, tún ortasyna deıin jumys istedi. Osyǵan uqsas tártip buzýshylyqty Baıqońyr aýdanyndaǵy «Faiz» kafesi de jasady.

Jınalǵan materıaldyń bári tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.

Esterińizge sala keteıik, Nur-Sultan epıdemıologııalyq jaǵdaıdy baǵalaý matrıtsasy boıynsha «qyzyl» aımaqqa engenine úsh aıǵa jýyqtady. Qaladaǵy epıdemıologııalyq jaǵdaı turaqsyz bolyp qalýda. Sol sebepti elorda turǵyndary men qonaqtary, sondaı-aq kásipkerlik nysandary koronavırýstyq ınfektsııanyń odan ári taralýyn boldyrmas úshin sanıtarlyq normalar men karantın talaptaryn qatań saqtaýy kerek.