Elordada karantın talaptaryn buzǵan 770-ten astam adam jaýapqa tartyldy
NUR-SULTAN. QazAqparat - Elordada karantın talaptaryn saqtaý jáne koronavırýs ınfektsııasynyń taralýyna jol bermeý úshin mobıldi toptar reıd júrgizip jatyr, dep habarlaıdy QazAqparat qala ákimdigine silteme jasap.
Erejelerdi elemeıtinderdi polıtseıler, eriktiler, taýarlar men kórsetilgen qyzmetterdiń sapasy men qaýipsizdigin baqylaý basqarmasynyń, aýdandyq ákimdikterdiń ókilderi anyqtaıdy.
26 qazan men 1 qarasha aralyǵynda mobıldik toptar Almaty aýdanynda – 61, Baıqońyr aýdanynda – 49, Esil aýdanynda – 57, Saryarqa aýdanynda – 33 zań buzý tirkeldi.
Tekserýshiler atap ótkendeı, buǵan deıin ákimshilik jaýapkershilikke tartylǵan birqatar ShOB sýbektisi kemshilikti qaıtalaǵan. Jıi kezdeseti - ujymdyq jáne otbasylyq merekelerdi ótkizý, jumys rejımin saqtamaý.
Máselen, 30 qazanda saǵat 23:37-de «BHB» túngi klýbyna polıtseıler júrgizgen tekserýde 500-ge jýyq adam bolǵan.
«Kelgen klıentter men qyzmetkerler baıqalmaı qalamyz dep úmittenip, esikti jaýyp alǵan. Klýbta jarty myńdaı adam kóńil kótergen jáne eshkim betperde men áleýmettik qashyqty saqtamaǵan», - deıdi polıtsııa qyzmetkerleri.
31 qazan kúni «Shańyraq» meıramhanasynda toı ótkizildi. Merekede 60 adam bolǵan.
Sol kúni saǵat 23:41-de mobıldi top sanıtarlyq normany saqtamaı jumys istegen «Quartet» karaoke klýbyn anyqtady. Klýbqa 80-ge jýyq adam kelgen.
Sondaı-aq, mobıldi toptar «Sálem» bazaryna qatysty materıaldar jınady. Bas sanıtarlyq dárigerdiń buıryǵyna qaramastan, nysan ákimshilik demalys kúni bazardy ashyp qoıǵan.
Avtokólik jýý oryndaryna,tigin sheberhanalaryna jáne basqalarǵa da eskertý jasaldy. Barlyq derekter boıynsha materıaldar Nur-Sultan qalasynyń taýarlar men kórsetilgen qyzmetterdiń sapasy men qaýipsizdigin baqylaý basqarmasyna joldandy.
1 qarashadaǵy jaǵdaı boıynsha aýdandyq polıtsııa basqarmalarynan 1 781 materıal kelip tústi. 779 jeke jáne zańdy tulǵa jalpy somasy 161 727 378 teńge bolatyn ákimshilik jaýapkershilikke tartyldy.
Búgingi kúni jalpy somasy 129 781 525 teńge bolatyn 613 ákimshilik aıyppul tólendi.
