Elordada karantın shekteýin saqtamaǵandarǵa 12,4 mln teńge aıyppul salyndy
NUR-SULTAN. QazAqparat – Elordada karantın sharalaryn saqtamaǵandarǵa 12,4 mln teńge aıyppul salyndy, dep habarlaıdy QazAqparat Nur-Sultan qalasynyń taýarlar men kórsetiletin qyzmetterdiń sapasy men qaýipsizdigin baqylaý departamentine silteme jasap.
«Qalalyq departamenttiń aýmaqtyq basqarmalary 5 shildeden bastap jeke tulǵalar men kásipkerlik sýbektilerine qatysty qatań shekteýli karantın sharalaryn saqtamaǵany úshin jalpy somasy 12 472 220 teńge ákimshilik quqyq buzýshylyq týraly 50 hattama jasady. Jeke tulǵalar men kásipkerlik sýbektileri Qazaqstandaǵy jáne Nur-Sultan qalasyndaǵy koronavırýs ınfektsııasyna baılanysty epıdemıologııalyq jaǵdaıǵa qaramastan, halyqtyń sanıtarlyq-epıdemıologııalyq salaýattylyǵy salasyndaǵy zańnamanyń talaptaryn saqtamaıdy. Atap aıtqanda, nysandardyń jumys rejımi saqtalmaıdy, maska taqpaıdy, áleýmettik qashyqtyq saqtalmaıdy, qyzmeti ýaqytsha toqtatylǵan obektiler jumys istep turǵan», delingen habarlamada.
Búgingi tańda Nur-Sultan qalasynyń TKQSQB departamentiniń aýmaqtyq basqarmalaryna pýdandyq polıtsııa basqarmalarynan karantındi buzýǵa qatysty 250-den astam materıal kelip túsken.
áOlar zerdeleý jáne qaraý satysynda. Kásipkerler arasynda da, qala turǵyndary arasynda da karantındi buzýshylarǵa qarsy sharalar qoldanyldy, tek qatań karantın sharalar koronavırýstyń taralýyn toqtatýǵa kómektesetinin aıta ketý kerek», delingen habarlamada.
