Elordada karantın sharalary kúsheıtilýi múmkin
NUR-SULTAN. QazAqparat – Nur-Sultan qalasynyń bas sanıtar dárigeri Janna Pirálıeva elordada koronavırýsqa qatysty talaptar oryndalmaǵan jaǵdaıda karantındik sharalar kúsheıtilýi múmkin ekenin aıtty, dep habarlaıdy QazAqparat tilshisi.
«Qabyldanǵan karantın men shekteý sharalaryna qaramastan, koronavırýs ınfektsııasy áli de tirkelýde. Sanıtarlyq-epıdemıologııalyq jaǵdaıdyń nasharlaýyna jol bermeý úshin barlyq azamattardy, qalamyzdyń qonaqtaryn adam kóp jınalatyn jerge barmaýǵa shaqyramyz. Qalada bekitilgen karantın rejımin saqtaýǵa, koronavırýs pandemııasy kezinde óziniń jáne ózgeniń ómirine qaýip-qater tóndirmeýine shaqyramyn. Sonymen qatar, barlyq uıym basshylarynan karantın rejımin qatań saqtap, sanıtarlyq normalardy oryndaýdy talap etemin», - Janna Pirálıeva Ortalyq kommýnıkatsııalar qyzmetinde.
Osy oraıda ol uıym basshylaryna qarata aıtqan sózinde shekteý sharalary kúsheıtilýi múmkin ekenin jetkizdi.
«Naýqastar sany artqanda jaǵdaıda, qalanyń bas sanıtar dárigeri retinde epıdemıologııalyq jaǵdaıdy baǵalaı otyryp, koronavırýs ınfektsııasynyń ary qaraı taralýyna jol bermeý maqsatynda shekteý ári karantın sharalaryn kúsheıtý týraly sheshim qabyldaýǵa májbúr bolamyn», - dedi Janna Pirálıeva.
Onyń paıymynsha, adamdardyń jaýapkershilikke salǵyrt qaraýy qaladaǵy epıdemıologııalyq jaǵdaıdy turaqtandyrýǵa kedergi keltirip otyr.
