Elordada karantın rejımin jıi buzatyn dámhanalar anyqtaldy
NUR-SULTAN. QazAqparat - Elordanyń keıbir kóńil kóterý oryndary karantın rejımin jıi buzyp otyr, dep habarlaıdy QazAqparat tilshisi.
«Quramynda Sanıtarııalyq-epıdemıologııalyq baqylaý basqarmasy, elorda ákimdigi ókilderi, volonterler men polıtsııa qyzmetkerleri bar mobıldi top kúsheıtilgen tártipte karantın rejımin buzýshylardy anyqtap jatyr. Kóńil kóterý oryndary ıeleri men kelýshiler tarapynan júıeli buzýshylyqtar oryn alyp, sanıtarlyq talaptar saqtalmaıdy jáne qala turǵyndaryna qaýip tóndirýde. Koronavırýs ınfektsııasynyń taralýyna tosqaýyl bolatyn birqatar aldyn alý is-sharasy kórsetilgen qoldanystaǵy qaýlyǵa qaramastan, «Panaehalı« barynyń karantın rejımin taǵy da buzǵany anyqtaldy», - delingen Nur-Sultan qalalyq Polıtsııa departamenti taratqan aqparatta.
Vedomstvo málimetinshe, 14 jeltoqsan kúni túngi saǵat 01:40-ta atalǵan kóńil kóterý ornynda 30 qonaq bolǵan. Olar mýzyka yrǵaǵyna bı bılep, sanıtarlyq normalardy jáne áleýmettik araqashyqtyqty saqtamaǵan. Sonymen qatar sol túni «Shıshka» loýndj-barynda 30 adam kóńil kótergen. Atalǵan loýndj-bar osymen 7-inshi ret karantın rejımin buzyp otyr.
Jalpy, táýlik ishinde mobıldi toptar shamamen 170 nysanǵa tekserý júrgizip, karantın rejımin buzýdyń 6 faktisin anyqtady. Jınalǵan materıaldar QR Ákimshilik quqyq buzýshylyq týraly kodekstiń 425-babymen ákimshilik jaýapkershilikke tartý úshin Sanıtarııalyq-epıdemıologııalyq baqylaý basqarmasyna jiberildi.
