Elordada karantın normasyn saqtamaǵan 5 mekeme jaýapkershilikke tartyldy
NUR-SULTAN. QazAqparat – Keshe elordanyń monıtorıng toptary qalanyń kásipkerlik nysandary arasynda karantın talabyn buzǵan 5 mekemeni anyqtady, dep habarlaıdy QazAqparat qala ákimdigine silteme jasap.
Baıqońyr aýdanynda mekemeler karantın rejımin buza otyryp jumys istegeni úshin ákimshilik jaýapkershilikke tartyldy. Bul «Ózimiz ǵoı» kafesi jáne Ashyqbaǵdarlamasynsyz jumys istegen ZaZa túngi klýby.
Karantın sharalarynyń saqtalmaýy Almaty aýdanynyń «Sova» Karaoke klýbynda baıqaldy. Sondaı-aq, monıtorıng toby Saryarqa aýdanyndaǵy «Nirvana» bary men «Stambýl» dámhanasynda osyndaı jaǵdaıdy tirkedi.
Sanıtarlyq-epıdemıologııalyq baqylaý salasyndaǵy ýákiletti organ tártip buzýshylarǵa qatysty tıisti ákimshilik sharalar qabyldaıdy.
Esterińizge sala keteıik, elordadaǵy epıdemıologııalyq ahýal áli turaqsyz.
