Elordada karantın kezinde qonaq shaqyryp, saýyq keshin uıymdastyrǵan áıel ustaldy

NUR-SULTAN. QazAqparat – Polıtsııaǵa tún ortasynda Saraıshyq kóshesinde ornalasqan kottedjde shamamen 50 adam jınalǵan saýyq keshi bolyp jatqany týraly habar túsken, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Polıtseıler tekserý barysynda 28 jastaǵy qala turǵyny jabyq saýyq keshin uıymdastyrǵanyn anyqtady.

Oqıǵanyń jaı-japsaryn anyqtaý úshin qonaqtardyń barlyǵy «Esil» aýdandyq polıtsııa basqarmasyna jetkizildi. Tekserý nátıjesi boıynsha 42 adam QR ÁQBK 441-baby boıynsha jekelegen qoǵamdyq orynda temeki ónimderin jáne elektrondyq sıgaretti tutynýǵa tyıym salýdy buzǵany úshin, QR ÁQBK 437-baby boıynsha tynyshtyqty buzǵany jáne QR ÁQBK 440-baby boıynsha alkogoldi ishimdik ishkeni nemese qoǵamdyq orynda mas kúıinde júrgeni úshin, sondaı-aq 1 adam QR ÁQBK 492-baby boıynsha Qazaqstanda tirkeýsiz nemese jeke basyn kýálandyratyn qujatsyz turǵany úshin ákimshilik jaýapkershilikke tartyldy.

Tergeý barysynda saýyq keshin uıymdastyrýshynyń buǵan deıin elordadaǵy dámhanalardyń birinde jumys istegeni anyqtaldy. Onyń jumys orny sanıtarııalyq-epıdemıologııalyq talaptarǵa saı kelmegendikten jabylǵan. Sol sebepti áıel kottedj jaldap, kelýshilerge áleýmettik jeli arqyly is-sharanyń ótetin jerin habarlaǵan.

Jalǵa alýshyǵa qatysty jınalǵan materıaldar protsessýaldyq sheshim shyǵarý úshin Nur-Sultan qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.