Elordada karantın kezinde 154 adam turaqty jumysqa ornalasqan

NUR-SULTAN. QazAqparat - Azamattardyń qaýipsizdigi úshin karantın kezeńinde elordalyq jumyspen qamtý ortalyǵynyń memlekettik qyzmetteri eGov.kz portaly, call-ortalyq, elektrondy poshta jáne uıaly baılanys arqyly onlaın rejımde kórsetiledi, dep habarlaıdy QazAqparat elorda ákimdiginiń resmı saıtyna silteme jasap.

Elorda bıligi qala turǵyndaryn jumysqa ornatastyrý boıynsha keshendi sharalar qabyldady. Jumys izdep júrgen azamattar onlaın-keńes ala alady. Sall-ortalyq nómirleri ortalyqtyń www.cz.astana.kz resmı saıtynda qoljetimdi.

Sondaı-aq, «Eńbek» baǵdarlamasy aıasynda jumyspen qamtý ortalyǵy jumyssyz azamattarǵa turaqty jumysqa ornalasý múmkindigi bar «jastar tájirıbesi», «áleýmettik jumys orny», «qoǵamdyq jumystar» baǵdarlamalaryna qatysýdy usynady.

Sonymen qatar, jumys berýshiler «Elektrondy eńbek bırjasy» ınternet-portalynda, jeke kabınet arqyly bos jumys oryndaryna adam jınaý jáne bos jumys oryndaryn toltyrý boıynsha belsendi jumys júrgizýde. Enbek.kz portaly úıden shyqpaı-aq, onlaın rejımde jumys izdeýge múmkindik beredi. Ol úshin tirkelip, ózińizdiń jeke kabınetińizdi ashyp, túıindemeńizdi ornalastyrýyńyz kerek.

TJ engizilgen sátten bastap 335 azamatqa jumysqa turý boıynsha kómek kórsetildi. Onyń ishinde 154 adam turaqty jumysqa ornalasqan.

Jastar tájirıbesinen ótýge 29 adam jiberildi (jyl basynan beri - 194), 143 adam «Qoǵamdyq jumystar» baǵdarlamasyna qatysty (jyl basynan beri - 995), «Áleýmettik jumys» oryndaryna 9 adam jumysqa ornalastyryldy (jyl basynan beri - 61 adam).

2020 jyldyń basynan jańa bıznes-ıdeıalardy iske asyrý úshin memlekettik grant bólý jónindegi komıssııa 59 grantty maquldap, onyń 47-si berildi.