Elordada karantın aımaǵynan ótpek bolǵan 143 adam qamaýǵa alyndy
NUR-SULTAN. QazAqparat - Nur-Sultanda eskertýge qaramastan, jol beketin aınalyp karantın aımaǵynan ótpek bolǵandar azaımaı otyr, dep habarlaıdy QazAqparat qala ákimdigine silteme jasap.
Qalalyq polıtsııa bóliminiń baspasóz qyzmeti habarlaǵandaı, Nur-Sultan qalasynda karantın bastalǵaly 3 347 azamat jaýapqa tartylyp, onyń 226-sy qamaýǵa alynǵan. Sondaı-aq 2 348 adamǵa aıyppul salynyp, 699 quqyq buzýshyǵa eskertý jasaldy. 74 is sotta qaralýda.
Ákimdiktiń aıyp turaǵyna 1 160 kólik qoıyldy.
«Shekteý men eskertýge qaramastan blokposttarǵa toqtamaı, karantın aımaǵyn kesip ótý jıi tirkelýde. Búginde 143 adam qamaýǵa alynyp, 44 adamǵa aıyppul salyndy. 24 materıal sot qaraýyna jiberildi», – deıdi baspasóz qyzmeti.
«Qabyldanǵan sharalarǵa túsinistikpen qarap, polıtsııanyń zańdy talaptaryn oryndańyz jáne olarǵa ınfektsııanyń aldyn alýǵa kómektesińiz. Bul sharalardyń barlyǵy sizdiń jáne jaqyndaryńyzdyń densaýlyǵy úshin jasaldy», – delingen habarlamada.
