Elordada qaraqshylyq shabýyl jasap, 64 mln. teńge alyp ketkender ustaldy
ASTANA. 26 shilde. QazAqparat - Elordada qaraqshylyq shabýyl jasap, 64 mln. teńge alyp ketkender ustaldy, dep habarlady Astana qalalyq ishki ister departamentiniń baspasóz qyzmetinen.
«17 mamyr kúni tańerteń Astana q. ІІD jedel basqarý ortalyǵyna A. esimdi azamattan ózine qaraqshylyq shabýyl jasalǵandyǵy týraly aqparat tústi», - delingen taratylǵan aqparatta.
Tergeý barysynda oqıǵa oryn alǵan 1 kún buryn qaraqshylyq shabýyl jasaǵandardyń A. esimdi azamattyń úıine elektrık retinde kelip, elektr jelileriniń jaı-kúıin teksergendigi anyqtaldy. Al kelesi kúni taǵy da elektrık atyn jamylǵan 25-30 jas shamasyndaǵy 3 jigit kelip, kúsh qoldaný arqyly aqsha talap etken. Úı ıesi seıfti kórsetkennen keıin ondaǵy 64 mln. teńgeni ıemdengen qaraqshylar belgisiz baǵytta iz jasyrǵan.
«Saryarqa» aýdandyq ishki ister basqarmasynyń qyzmetkerleri júrgizgen jedel iázdestirý is-sharalary barysynda 3 kúdikti ustalyp, ýaqytsha oqshaýlaý ornyna qamaldy. Kúdiktilerden aıǵaqtaı zat, atap aıtqanda 70 myń AQSh dollary tárkilendi.
