Elordada qaraqshylyq shabýyl jasaǵan Arqalyq qalasynyń turǵyny ustaldy
ASTANA. 15 tamyz. QazAqparat - Saryarqa aýdandyq ishki ister bóliminiń kezekshiligine kóńil kóteretin oryndardyń birinde belgisiz azamattyń «kúzetshi» atty travmatıkalyq qarýymen qaraqshylyq shabýyl jasap,
qala turǵynynan 76 000 teńge urlap áketkeni týraly habarlama kelip túsken. Bul aqparatty Astana qalalyq ІІD-niń baspasóz qyzmeti habarlap otyr.
Jedel izdestirý sharalaryn júrgizý barysynda Arqalyq qalasynyń turǵyny, jumyssyz, osy dámhanaǵa kóp keletin 19 jasar jigit ustaldy. Qaskúnem kinásin tolyǵymen moıyndap, odan aıǵaqty zattar - aqsha men qarý tárkilendi. Sonymen qatar ol ýaqytsha oqshaýlaý ornyna qamaldy
Qylmystyq is qozǵalyp, tergeý áreketteri júrgizilýde. Ustalǵan tulǵanyń Astana qalasynda bolǵan qaraqshylyq shabýyl men tonaýlarǵa qatystylyǵy tekserilýde.
