Elordada qaraqshy jumysshylarǵa tólenetin jalaqyny urlap ketken
NUR-SULTAN. QazAqparat – Polıtsııa qyzmetkerleri elorda turǵynynan jumysshylarǵa jalaqy tóleýge arnalǵan 1 mln teńgeni ashyqtan-ashyq urlap ketken 31 jastaǵy er adamdy ustady, dep habarlaıdy QazAqparat qalalyq polıtsııa departamenti baspasóz qyzmetine silteme jasap.
Jábirlenýshiniń aıtýynsha, ol – qurylys uıymynyń brıgadıri. Jumysshylaryna jalaqy berý úshin 1 mıllıon teńge kóleminde aqsha alǵan. Kesh batqanda úıine qaraı aıańdaǵan jábirlenýshi kóshede kezdeısoq jolaýshymen sóılesip, oǵan kóp aqshasy bar ekenin aıtyp maqtanǵan.
Beıtanys adam qaltasynan aqshany tartyp alyp, belgisiz baǵytta qashyp ketken.
Jedel-tergeý sharalaryn júrgizý barysynda polıtseıler tonaýshynyń izine tústi. Er adamnyń birneshe ret sottalǵany anyqtaldy.
Іri aqsha somasyn ashyqtan-ashyq urlap, qylmystyq qýdalaýdan qashýǵa tyrysqan. Sol maqsatta Taraz qalasyna ketip qalǵan. Polıtsııa qyzmetkerleri kúdikti azamatty ustap, Nur-Sultan qalasyna jetkizdi.
Atalǵan fakti boıynsha QR QK 191-baby boıynsha qylmystyq is qozǵaldy. Tergeý amaldary júrgizilip jatyr.
