Elordada Qaraǵandy jáne Ulytaý oblystarynyń jármeńkesi ótedi

ASTANA. QazAqparat – 22-23 qazan kúnderi Astana qalasynda Qaraǵandy jáne Ulytaý oblystarynyń aýyl sharýashylyǵy jármeńkesi ótedi. Bul týraly elorda ákimdiginde ótken brıfıngide Astana qalalyq ınvestıtsııalar jáne kásipkerlikti damytý basqarmasy azyq-túlik qaýipsizdigi bóliminiń basshysy Abdel Baltategi málim etti, dep habarlaıdy QazAqparat tilshisi.

«Erteń Astana qalasynda Qaraǵandy jáne Ulytaý oblystarynyń aýyl sharýashylyǵy jármeńkesi ótedi. Ol 22-23 qazan kúnderi «Astana-Arena» stadıony mańyndaǵy kólik turaǵynda uıymdastyrylady. Atalǵan óńirlerdiń aýyl sharýashylyǵy ónimderin óndirýshiler men óńdeý ónerkásipteri 700 tonnaǵa jýyq taýar usynýdy josparlap otyr. Onyń ishinde 430 kartop, 140 tonna et, 100 tonna kókónis, 13 tonna sút ónimderi, 200 myń dana jumyrtqa, 12 tonna balyq jáne balyq ónimderi men 16 tonna ózge de taýarlar bolady», - dedi bólim basshsy

Jármeńkege Qaraǵandy oblysynan 164 fermerlik qojalyq qatysady. Abdel Baltateginiń aıtýynsha, shara barysynda usynylatyn taýarlardyń quny naryqtaǵy baǵadan 15-20 paıyzǵa arzan bolmaq.