Elordada Qaraǵandy jáne Shyǵys Qazaqstan oblystarynyń kúnderi ótedi
8-9 qazanda ShQO aýyl sharýashylyq jármeńkesi «Han shatyr» saýda oıyn saýyq ortalyǵynyń janyndaǵy turaq alańynda ótedi. Oblystyń taýar óndirýshileri 300 tonna ónim ákeledi, barlyǵy 57 saýda orny jasalady.
Qala ákimdiginiń aldynda ótetin Qaraǵandy oblysynyń jármeńkesinde 840 tonna ónim ótkiziledi, 60 saýda orny jasalady. Shara barysynda oblystyq shyǵarmashylyq ujymdardyń qatysýymen merekelik kontsert jáne «Baýyrsaq, qymyz festıvali» qaıyrymdylyq aktsııasy uıymdastyrylady. Sondaı-aq, «Sheberler aýyly» sándik-qoldanbaly óner kórmesi ashyladyp, qala turǵyndary men qonaqtary zergerlik óner, kórkem toqymashylyq jáne qysh-qumyra sheberligi boıynsha sheber-synyptaryna qatysady.
8 qazanda saǵat 12.00 - QR Tuńǵysh Prezıdenti kitaphanasynda Qaraǵandy oblysynan «Saryarqa kitaphanasy» 100 tomdyǵyn syıǵa tartý saltanaty, Álıhan Bókeıhannyń 15 tomdyq shyǵarmalar jınaǵynyń tusaýkeser-kórmesi jáne Qaraǵandy oblysy sýretshileriniń «Saryarqanyń syrly boıaýlary» atty kórmesi ótedi.
Saǵat 18.30 Oqýshylar saraıynda S. Seıfýllın atyndaǵy oblystyq qazaq drama teatrynyń Ý. Shekspırdiń «Romeo men Djýletta» spektakliniń qoıylymy kórsetiledi.
9 qazanda saǵat 11.00 Beıbitshilik jáne kelisim saraıynyń foıesinde Qaraǵandy oblysynyń Táýelsizdik jyldaryndaǵy jetistikteri kórmesi ashylady, «Nur Ásem» sán úıiniń ulttyq kıimder jınaǵy kórsetiledi. Al saǵat 16.00 Qaraǵandy oblysy óner maıtalmandarynyń gala-kontserti kópshilik nazaryna usynylady.
8 qazanda saǵat 9.00 «Kórme» ortalyǵynda ShQO arheologııalyq artefaktiler kórmesi, saǵat 10.00 QR Ulttyq mýzeıinde QR Táýelsizdiginiń 25 jyldyǵyna arnalǵan «Úlken joldyń kezeńi» fotokórmesi óz jumysyn bastaıdy. Sonymen qatar, saǵat 10.30 «Shyǵys Qazaqstannyń sýretshileri. Ýaqyt portretteriniń erekshelikteri» atty beıneleý óneri kórmesi ashylady.
Saǵat 15.00 QR Ulttyq akademııalyq kitaphanasynda «Táýelsizdiktiń jarqyn jetistikteri: Shyǵys Qazaqstan» kitap kórmesi ótedi. Onda kelýshiler nazaryna táýelsizdik jyldary ekonomıkanyń, ádebıettiń, mádenıet pen sporttyń damýyna eleýli úles qosqan tanymal tulǵalar týraly kitaptar usynylady. Kórme aıasynda «Bizdiń Abaı» elektrondy tolyq mátindi kitaphana jáne «Qaıym Muhamedjanov» elektrondy bıblıografııalyq kórsetkishi atty eki jobanyń tusaýkeseri ótedi. Budan basqa, saǵat 15.00 L.N. Gýmılev atyndaǵy Eýrazııa ulttyq ýnıversıtetinde Óskemen qalasynyń drama teatry K. Lıýdvıgtiń «Juldyzdy sát» spektaklin qoıady. Saǵat 18.30 «Jastar» teatrynda Semeı qalasynyń Abaı atyndaǵy Shyǵys Qazaqstan oblystyq teatrynyń F.M.Dostoevskııdiń «Dıadıýshkın son» spektakli kórsetiledi. Al jármeńkege kelýshiler eki kún boıy Á. Qashaýbaev atyndaǵy Shyǵys Qazaqstan oblystyq fılarmonııasynyń «Shuǵylaly Shyǵys» atty kontsertin tamashalaıdy.
