Elordada qar jınaýǵa myńnan astam arnaıy tehnıka jumyldyryldy
ASTANA. QazAqparat - Elordalyq kommýnaldyq qyzmetter kúsheıtilgen tártipte jumys isteýde. Búgin kósheler men trotýarlardy tazartý jumystaryna 1957 jumysshy, mehanıkalandyrylǵan jınaý jumystaryna 1066 arnaıy mashına, sonyń ishinde samosvaldar (427 birlik), sypyrý mashınalary (110 birlik), qum tóseıtin mashınalar (25 birlik) jáne t.b. tartyldy, dep habarlady elorda ákimdiginiń baspasóz qyzmeti.
Jyl basynan beri qar polıgonyna 461 099 tekshe metr qar shyǵaryldy, jaıaý júrginshilerdiń qaýipsizdigi úshin trotýarlar men joldarǵa 420,5 m3 qum-tuz qospasy tóseldi.
Sınoptıkterdiń boljamynsha, aldaǵy kúnderi Astanada jel kúsheıedi, jaýyn-shashyndy bolady jáne aýa temperatýrasy tómendeıdi.
20 jeltoqsanda elordada kóshpeli bult shyǵady, jaýyn-shashynsyz bolady, batystan 9-14 m/s jyldamdyqpen jel soǵady. Túnde aýa temperatýrasy -22-24°S, kúndiz -18-20°S deıin sýytady.
Dúısenbi, 21 jeltoqsanda, sınoptıkterdiń boljamynsha, aýa temperatýrasy kúndiz -13-15°S, túnde -22-24°S tómendeıdi.
Eske salaıyq, 19 jeltoqsanda jeldiń kúsheıýine jáne aýa temperatýrasynyń tómendeý yqtımaldylyǵyna baılanysty 1-9 synyp oqýshylary úshin sabaq bolǵan joq.
