Elordada qar jaýyp, kóktaıǵaq bolady - Qazgıdromet
NUR-SULTAN. QazAqparat – Nur-Sultanda aýa raıynyń nasharlaýyna baılanysty eskertý jarııalandy, dep habarlaıdy QazAqparat.
«Qazgıdromet» RMK habarlaýynsha, 8 sáýirde aýa raıy kúrt nasharlap, kóshpeli bult shyǵyp, jańbyr men qar jaýady, kóktaıǵaq bolady. Ońtústik-batystan 9-14 m/s jel soǵyp, ekpini 17-22 m/s jetedi. Temperatýra kúndiz +2+4°S, túnde -2-4°S.
Osy rette TJD elordalyqtarǵa birqatar keńesin berdi.
«Daýyldy jel kezinde eń aldymen, turǵyn úılerdegi elektr jelileri men jabdyqtardyń, jylytý peshteriniń jaı-kúıin tekserý, órtke qarsy sýdyń ishte jáne syrtta bolýyn, telefon baılanysynyń durystyǵyn qamtamasyz etý, órtke qarsy qural-saımandardy daıyndaý qajet. Páterdegi elektr jelisiniń kerneýinde irkilister bolǵan kezde turmystyq elektr quraldaryn dereý toktan ajyratyp, elektr energııasy kenetten qosylǵanda órt bolmaıtyndaı rozetkadan toqty sýyryp alyńyz. Jáne de jeke kóligińizdi aǵashtar men eski qurylys alańdarynan alshaq qoıýǵa, páterińizdiń nemese úıińizdiń terezesin tyǵyz jabýdy suraımyz», - dedi vedomstvodan.
Sondaı-aq departament azamattardy asa qajettilik bolmasa úıden shyqpaýǵa keńes beredi. Tótenshe jaǵdaı týyndasa «112» nómirine qońyraý shalý qajet.
Buǵan deıin birneshe óńirde aýa raıyna baılanysty eskertý jarııalanǵanyn habarlaǵan bolatynbyz.
