Elordada qar tazalaýǵa 709 tehnıka jumyldyryldy
ASTANA. 15 qańtar. QazAqparat - Qardyń qalyń túsýine baılanysty qalanyń kommýnaldyq qyzmeti kúsheıtilgen rejımde jumys isteýde. Tek qańtardyń 14-nen 15-ine qaraǵan túnde qala syrtyndaǵy polıgonǵa 30 myń tekshe metrden astam qar shyǵaryldy. Onyń 17 875 tekshe metrin «Astana Tazalyq» JShS kúrep, tasydy.
astana.kz saıtynyń jazýynsha, 709 qar kúreý tehnıkasy men 349 jumys kúshi qalanyń negizgi magıstralderi men joldaryn tazalaýdy qamtamasyz etti. Sonymen qatar, qalaǵa jaqynda qosylǵan kentter men oramaralyqtary men aýla aýmaqtaryn qardan tazalaýdy qalanyń basqa da sýbmerdigerlik kásiporyndary júzege asyrdy.
Qalada barlyǵy 22 qar tazalaý baǵdary bar.
Buǵan deıin habarlanǵanyndaı, qalyń túsken qar men burqasyn jáne 13-15 m/s ekpindi jelge baılanysty elordada kún raıynyń buzylatyndyǵy jóninde eskertý jarııalandy.
