Elordada qapyryq, jedel járdem shaqyrýshylar sany kúrt artty
«Qazirgi ýaqytta Astanada ystyq aýa raıy saqtalyp tur. Sońǵy eki aptada jedel járdem shaqyrý sany 2,5 ese jaǵdaıǵa deıin artty. Ásirese 55 jastan asqan turǵyndar arasynda qan qysymynyń kóterilýi jıi kezdesedi. Buǵan ystyq aýa raıy áser etetinin joqqa shyǵarmaımyz. Osyǵan baılanysty barlyq qala turǵyndaryn kún qyzýynan barynsha qorǵanýǵa jáne óz densaýlyǵyna qamqor bolýǵa shaqyramyz», - dedi Astana qalalyq jedel járdem stantsııasy aqparattyq-jedel dıspetcherlik bóliminiń meńgerýshisi Sabyr Narqulov.
Ol eń aldymen saǵat 12:00-den 16.00-ge deıingi aralyqta kóshege shyqpaýǵa keńes berdi.
«Bul ýaqyt ásirese júrek-qan tamyrlary júıesinde problemalary bar egde jastaǵy adamdar úshin qaýipti. Tipti salystyrmaly túrde saý adamdarda ystyq aýa-raıynda problemalar baıqalady. Alǵashqy belgileri - bas aınalýy jáne júrek aınýy. Sondyqtan syrtta kóp ýaqyt júrmeýge tyrysyńyz. Serýen ýaqytyn tıimdi tańdaý usynylady», - dedi ol.