Elordada qansha medıtsına qyzmetkerine koronavırýs juqqany belgili boldy
«Jalpy, qala boıynsha medıtsına qyzmetkerleri arasynda indetke shaldyǵýdyń 330-ǵa tarta oqıǵasy tirkeldi. Bul óz kezeginde Nur-Sultan qalasyndaǵy barlyq mekemelerine qatysty, ıaǵnı respýblıkalyq, qalaly ári vedomstvolyq. Onyń ishinde densaýlyq saqtaý basqarmasy medıtsınalyq uıymdary boıynsha 200-ge jýyq. Medıtsına qyzmetkerleriniń tek úshten biri koronavırýs ınfektsııasynan emdelip jatqan naýqastar bolǵan statsıonarlarda jumys istegen», - dedi Sáýle Qısyqova Ortalyq kommýnıkatsııalar qyzmetinde.
Sonymen qatar ol elordada medıtsına qyzmetkerleri arasynda COVID-19-dan ólim-jitim faktileri tirkelmegenin naqtylady.
Budan buryn habarlanǵandaı, elordada vırýs juqtyrǵan jalpy 2 620 adam anyqtaldy. Onyń ishinde 270-i bala. 1 829 naýqas nemese 70 paıyzy jazylyp shyqty. Ókinishke qaraı, tolyq kólemde júrgizilgen medıtsınalyq kómekke qaramastan, 14 adam qaıtys boldy.
«Búginde koronavırýs ınfektsııasymen 730 naýqas aýrýhanada jatyr. Olardyń ishinde 48-iniń jaǵdaıy aýyr, sonyń arasynda 18 naýqas óte aýyr jaǵdaıda. Olardyń ókpeleri jasandy jeldetý apparatyna qosylǵan», - dedi S. Qısyqova.