Elordada qansha maska bar jáne ony qaıdan satyp alýǵa bolady
NUR-SULTAN. QazAqparat – Nur-Sultan qalasynyń taýarlar men qyzmetterdiń sapasy men qaýipsizdigin baqylaý departamentiniń basshysy Zeken Isakov elordada medıtsınalyq maskalardy qaıdan alýǵa bolatynyn aıtyp berdi, dep habarlaıdy QazAqparat tilshisi.
«Qazirgi ýaqytta qala boıynsha qalǵan maskalar sany – 13 626. Bul maskalar «Bıosfera» dárihanalar jelisinde satylyp jatyr. Keshe ǵana «Farmatsııa» ÁK jelisi boıynsha 88 myń maska kelip túskenin aıtqanmyn. Maska máselesi bar. Bul túıtkil sheshilip jatyr», - dedi ol OKQ-da ótken baspasóz máslıhatynda.
Sonymen qatar departament basshysy saýda oryndary men adamdar kóp shoǵyrlanǵan jerlerdi tazalaýǵa qatysty pikirin bildirdi.
«Bul sol oryndardyń ıeleri atqarýǵa tıisti sharalar. Erejesi naqty jazylǵan. Ol – birneshe márte dymqyl tazalyq jáne basqa da sharalardan turady. Departament osy sharalar boıynsha monıtorıng júrgizip otyr. Bul jumystar bizdiń tarapymyzdan kúsheıtiledi», - dedi Zeken Isakov.
