Elordada qansha balabaqsha bar
NUR-SULTAN. QazAqparat – Elordada 94 memlekettik balabaqsha, 237 jeke balabaqsha bar. Bul týraly Nur-Sultan qalasy ákimi Altaı Kólginov halyqqa esep berý kezdesýinde aıtty, dep habarlaıdy QazAqparat tilshisi.
«Qazirgi ýaqytta 3-ten 6 jasqa deıingi balalardy balabaqshamen 98,4% qamtamasyz etip otyrmyz. Elordada 94 memlekettik balabaqsha, 237 jeke menshik balabaqsha bar. Buryn jeke balabaqshalar bolǵan joq, qazir bul bızneske degen jaqsy múmkindik. Kásipkerler jaqsy jumys atqarýda», - deıdi Altaı Kólginov.
Ol memleket tarapynan ár balaǵa 28 myń teńge sýbsıdııa beriletinin aıtty.
«Bul memleket úshin de, kásipkerler úshin de, ata-ana úshin de paıdaly. Eger osy 237 jeke balabaqshany memleket salatyn bolsa bıýdjetten 96 mlrd teńge qajet bolar edi. Biz ol qarajatty únemdep, jeke kásipkerler óz qarajaty esebinen saldy. Olarǵa qazir 6,5 mlrd. teńge sýbsıdııa beremiz. Osylaısha memleket on ese qarjy únemdep otyr», - deıdi ol.
