Elordada qansha adamǵa vaktsına egildi
NUR-SULTAN. QazAqaparat – Búgingi tańda birinshi komponent boıynsha 10 861 adam vaktsına aldy. Ekinshi komponent boıynsha 3 024 adam vaktsına aldy. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.
«Koronavırýsqa qarsy vaktsına egý jumystary jalǵasýda. Búgingi tańda birinshi komponent boıynsha 10 861 adam vaktsına aldy. Ekinshi komponent boıynsha 3 024 adam vaktsına aldy. Vaktsına alǵan medıtsına qyzmetkerleriniń sany – 4836, pedagogtar sany – 1945, sozylmaly aýrýlary bar adamdar sany – 1071, quqyq qorǵaý qyzmeti salasyndaǵy qyzmetkerler sany – 1207, al basqa toptaǵy adamdar sany – 1802. Vaktsına egilgennen keıin densaýlyǵynda aqaý paıda bolǵandar tirkelgen joq», - deıdi Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Muratov.
Onyń aıtýynsha, 36 alǵashqy medıtsınalyq-sanıtarlyq kómek kórsetý uıymdarynda birinshi jáne ekinshi komponentterge arnalǵan vaktsına jasaý bólmeleri jáne vaktsına egilgennen keıin patsıentterdi baqylaýǵa arnalǵan kútim bólmeleri turaqty rejımde jumys istep jatyr.
«Barlyq emhanada vaktsınalar epıdemıologııalyq talaptarǵa saı saqtalyp jatyr», - deıdi ol.
