Elordada qansha adam Pfizer vaktsınasyn aldy

NUR-SULTAN. QazAqparat – Elordada Pfizer vaktsınasyn 13 myńnan astam adam saldyrdy. Bul týraly Nur-Sultan qalasynyń bas memlekettik sanıtar dárigeri Sarhat Beısenova aıtty, dep habarlaıdy QazAqparat tilshisi.

«Elordada júkti jáne bala emizetin áıelderdi, 12-17 jastaǵy jasóspirimderdi Komırnatı (Pfizer) preparatymen vaktsınatsııalaý jalǵasyp jatyr. Ol 15 qarashada bastaldy. 2 aıdyń ishinde tıisti kontıgentten 13 071 adam atalǵan vaktsınanyń birinshi komponentimen vaktsınatsııalandy. Pfizer alýda jasóspirimder kóshbasy bolyp tur – 8 392 bala. Odan keıin 4 348 bala emizetin áıel jáne 326 júkti áıel vaktsına aldy. Imýndaýdyń tolq kýrsynan júkti jáne bala emizetin en12-17 jastaǵy jasóspirimderden 8 150 adam aldy», - dedi ol elorda ákimdiginde ótken baspasóz máslıhatynda.

Sonymen qatar bas sanıtar dáriger qalada revaktsınatsııa júrgizilip jatqanyn atap ótti.

«Osy ýaqytqa deıin revaktsınatsııa alýy tıis 244 824 adamnyń 19 321 nemese 7,9 paıyzy ǵana revaktsınatsııalandy», - dedi Sarhat Beısenova.