Elordada qandaı oryndarda shomylýǵa bolady – TJD jaýaby
NUR-SULTAN. Qaz-Aqparat – Nur-Sultan qalasynda halyq sýǵa túsetin 23 orynnyń 3-eýinde ǵana shomylýǵa resmı ruqsat berilgen. Bul týraly elorda ákimdiginiń onlaın baspasóz máslıhatynda aıtyldy, dep habarlaıdy QazAqparat tilshisi.
«Statıstıka boıynsha, qazirgi ýaqytta sýdan qaza bolýdyń 80% azamattardyń mas kúıde shomylýyna baılanysty, sondaı-aq jabdyqtalmaǵan jáne tyıym salynǵan oryndarda shomylý bolyp otyr. Ystyq kúnderi jaǵajaılarda demalýshylardyń sany myńnan asyp ketedi. Sondyqtan árbir azamat sýdaǵy qaýipsizdik erejelerin oryndaýy tıis», - deıdi Nur-Sultan qalalyq Tótenshe jaǵdaılar departamenti basshysynyń orynbasary Esen Baıyrov.
Onyń aıtýynsha, tekseris komıssııasy elordada halyq shomylatyn 23 oryndy anyqtaǵan.
«Onyń ishinde úsheýi – Nur-Sultan qalasy ákimi Altaı Kólginovtiń qaýlysyna sáıkes ruqsat etilgen oryndar. Olar: «Ortalyq jaǵajaı», «Trı peskarıa» jáne «Astanalyq aýla» demalys aımaqtary. Qalǵan 20 orynǵa sýǵa shomylýǵa tyıym salynǵan», - deıdi ol.
