Elordada qandaı mamandyqtarǵa tegin oqýǵa bolady
NUR-SULTAN. QazAqparat -Elorda turǵyndary eńbek naryǵynda suranysqa ıe mamandyqtar boıynsha tegin bilim ala alady, dep habarlaıdy QazAqparat qala ákimdiginiń resmı saıtyna silteme jasap.
Elordanyń jumyspen qamtý ortalyǵy qaıta oqytý kýrstaryna jumyssyz azamattardy qabyldap jatyr. Qaıta daıarlaý naryqta qajetti mamandyqtar boıynsha júrgiziledi.
«Jumyssyz azamattardy eńbek naryǵynda suranysqa ıe mamandyqtar boıynsha tegin qaıta oqytý kýrstaryna qabyldaý júrgizilýde. Atap aıtqanda, qaıta daıarlaý kýrstary naýbaıshy, mektepke deıingi uıymdardyń tárbıeshisi (pedagogıkalyq bilim mindetti), menedjer (saýda menedjeri; suranysy joq mamandyq ıeleri, dıplomnyń bolýy mindetti), ákimshi, elektrmen jáne gazben dánekerleýshi, kıberqaýipsizdik mamany, anımatsııa jáne beınegrafıka salasyndaǵy maman, ýqalaýshy (medıtsınalyq bilim bolýy kerek) sııaqty mamandyqtar boıynsha júrgiziledi.
Oqý barysynda aı saıyn 16 759 teńge stependııa tólenedi. Qaıta daıarlaý kýrsyn oıdaǵydaı aıaqtaǵan soń sertıfıkat berilip, jumysqa ornalasýǵa járdem kórsetiledi», - dep málim etti ortalyqtan.
