Elordada qandaı IT jobalar júzege asyp jatyr
«Osydan bir jyl buryn ІT keńestiń jumysyn bastadyq. Ol tsıfrlyq tehnologııalardy odan ári damytyp, engizýge baǵyttalǵan. ІT keńestegi árbir kezdesý jaı ǵana kezdesý emes, bul qala men turǵyndarǵa qajet naqty jobalardy kásibı turǵyda talqylap, engizý», - dedi ákim Instagram-daǵy paraqshasynda.
Onyń aıtýynsha, Memleket basshysy «tsıfrlandyrý – barlyq reformalardyń bazalyq elementi» dep atap ótken.
Ákim mysal retinde pandemııa kezinde patsıentterdi medıtsınalyq mekemelerge birkelki taratýǵa múmkindik beretin qosymshalar jasaldy, telemedıtsına engizilgenin atady.
«ІT keńeste tanystyrylǵan birqatar joba basqa da salalarǵa engizildi. Mysaly, 20-dan astam mektepte hımııa, bıologııa, fızıka sııaqty pánderdi kórneki túrde kórsetýge múmkindik beretin Roqed Science baǵdarlamasy engizildi. Bul oqýshylarǵa materıaldardy túsindirýge múmkindik beredi.
Sonymen qatar birqatar mektepte Smart Recirculation Control jobasy iske qosyldy. Innovatsııalyq tehnologııa aýany tazartýǵa jáne zararsyzdandyrýǵa, sol arqyly úı-jaıdy ıonızatsııalaýǵa, aýanyń tútindenýine monıtorıng júrgizýge, táýlik boıy beınebaqylaý men vızýaldy baqylaý júrgizýge múmkindik beredi. Sondaı-aq, dene temperatýrasyn ólsheıtin, maskanyń bar-joǵyn birden biletin júıe iske qosyldy», - dedi Altaı Kólginov.
Ákim qalany aýqymdy tsıfrlandyrýdy júrgizetinimiz týraly aıtqanyn eske saldy.
«Mysaly, ınjenerlik jelilerdi tsıfrlandyrý olardyń naqty jaǵdaıyn kórýge, jóndeý jumystaryn ýaqtyly júrgizýge, qajet bolǵan jaǵdaıda qýatty arttyrýǵa, táýekelderdi azaıtýǵa jáne t.b. múmkindik beredi. Qalany tsıfrlandyrý jumysy qazir aıaqtalýǵa jaqyn.
Sonymen qatar, usynylǵan jobalardyń arasynda ekologııa, qaýipsizdik, áleýmettik salalardaǵy jobalar da bar. Mysaly, jasyl jelekterdi túgendeý, lıýkterdiń monıtorıngi, zańsyz qoqystardyń aldyn alý jáne anyqtaýdy baqylaý jáne t.b. úshin júıeler ázirlendi. Іriktelgen jobalar tolyqtaı iske asyrylady», - dedi elorda ákimi.