Elordada qandaı dárigerler jetispeıdi
NUR-SULTAN. QazAqparat – Nur-Sultan qalalyq Densaýlyq saqtaý basqarmasynyń málimetinshe, qalada jyl sanap densaýlyq saqtaý salasy mamandarynyń sany artyp keledi, degenmen keıbir salalar boıynsha dáriger jetispeýshiligi bar, dep habarlaıdy QazAqparat Elorda Infoǵa silteme jasap.
Búginde qalalyq Densaýlyq saqtaý basqarmasyna qarasty 34 mekeme bar. Onyń 15 emhana, 13 statsıonar, 1 jedel járdem stansasy jáne 5 basqa da mekeme.
2019 jyldyń 1 qazanyndaǵy jaǵdaı boıynsha elordada 13 613 medıtsına qyzmetkeri jumys isteıdi. Olardyń 35.7 paıyzy (4860) dáriger jáne 64,3 paıyzy (8 753) ortasha medıtsına qyzmetkeri.
1 qazandaǵy jaǵdaı boıynsha medıtsınalyq mekemelerge 494 maman jetispeıdi.
Atap aıtqanda, jalpy tájirıbedegi dáriger -107, pedıatr-36, terapevt-52, akýsher-gınekolog-42, anestezıolog-reanımatolog-41, kardıolog- 16, psıhıatr-3, onkolog-16, neonatolog -28 jáne taǵy basqa mamandar suranysqa ıe.
Buǵan qosa bıyl qala boıynsha 348 maman jumysqa tartyldy.
«2019 jylǵy 7 qazandaǵy jaǵdaı boıynsha qalada 217 jas medıtsına salasy mamany eńbekpen qamtyldy. Bul jas maman jetispeýshiliginiń 44 paıyzyna teń», dep kórsetti densaýlyq saqtaý basqarmasy.
