Elordada kámeletke tolmaǵan qyz kóz jumdy
NUR-SULTAN. QazAqparat – Elordada 2011 jyly týǵan qyz qaıtys boldy, dep habarlaıdy QazAqparat Nur-Sultan qalalyq Polıtsııa departamentine silteme jasap.
«Bıylǵy jyldyń 14-shi qańtarynda saǵat 19:33-te kámeletke tolmaǵan balanyń qaıtys bolǵany anyqtaldy. Oqıǵa ornynda jedel-tergeý toby jumys istedi. Olar 2011 jyly týǵan balanyń úıde otyrǵanda ózin jaısyz sezingenin anyqtady. Ata-anasy dárigerge habar berip, medıtsına mamandary em qabyldaý qajettigin aıtqan. Kelesi kúni qyzdyń jaǵdaıy nasharlap, ol esinen tanyp qalǵan. Jedel járdem qyzmeti kelgenshe qyz bala kóz jumdy»,-delingen habarlamada.
Polıtsııa sonymen qatar atalǵan faktiniń sotqa deıingi tergeýdiń biryńǵaı tizilimine engizilgenin aıtty. Qazirgi tańda osy oqıǵa boıynsha sot-medıtsınalyq saraptama taǵaıyndalyp, tergeý jumystary júrip jatyr.
Serik Sábekov
