Elordada KamAZ qubyrdy zaqymdap, turǵyn úıler jylýsyz qaldy
ASTANA. QazAqparat – Astana qalasynyń Saryarqa aýdanynda jylý berý qubyry jaryldy. Bul týraly elorda ákimdiginiń baspasóz qyzmetinen málimdedi, dep habarlaıdy QazAqparat tilshisi.
«KamAZ júrgizýshisi munara kranynyń qurylymyn tasymaldaý kezinde syrtqy magıstraldyq jylý berý tarssasyn zaqymdady. Saldarynda Saryarqa aýdany, Y. Dúkenuly kóshesi, 30-úıdiń mańynda qubyr jaryldy.
Zaqymdanǵan aýmaqty oqshaýlaýmen «Astana-Teplotranzıt» AQ-nyń jedel mobıldi toptary aınalysyp jatyr», - dep málim etti elorda ákimdiginen.
Jylý qubyryn qalpyna keltirý jumystary barysynda Y. Dúkenuly kóshesi jartylaı jabylǵan. Ákimdik aqparaty boıynsha birqatar ákimshilik nysandar men turǵyn úıler jylýdan ajyratylǵan. Josparǵa sáıkes qalpyna keltirý jumystary 5-8 saǵat kóleminde júrgiziledi.
Ashyq kózderden alynǵan foto
