Elordada qalyń qar saldarynan bir kúnde 135 jol apaty tirkeldi
ASTANA. QazAqparat – Elorda polıtsııasy kólik júrgizýshilerine eskertý jasady, dep habarlaıdy QazAqparat tilshisi.
«Tańǵy ýaqyttan beri elordada 135 jol-kólik oqıǵasy tirkeldi, adam zardap shekti. Qardyń kóp jaýýyna baılanysty júrgizýshilerden óte muqııat bolýdy, belgilengen jyldamdyq rejımin qatań saqtaýdy, tejegishti kúrt baspaýdy, qashyqtyq pen aralyqty saqtaýdy suraımyz», - dep jazylǵan departament habarlamasynda.
Quqyq qorǵaý organdary kólik júrgizýshilerine ǵana emes, jaıaý júrginshilerge de erekshe saq bolýdy eskertti. Joldan ótý kezinde dymqyl jáne taıǵaq jolda kóliktiń tejelýi qıyn bolady.
«Balalardyń jol-kólik jaraqatyn boldyrmaý maqsatynda jaryqqa shaǵylysatyn elementterdi paıdalanýdy usynamyz», - dep tolyqtyrdy elordalyq PD.
Aıta keteıik, aýa-raıynyń nasharlaýyna baılanysty elordada kólik keptelisi kóbeıip, avtobýstar keshigip kelip jatyr. City Transportation Systems kompanııasynyń habarlaýynsha, búgin avtobýstar 45 mınýtqa deıin keshigýi múmkin.
