Elordada qalta urylary ustaldy
ASTANA. 31 qazan. QazAqparat - Elordada avtobýs salondarynda jolaýshylardyń qaltasyna túsýshi urylar ustaldy,
dep habarlady Astana qalalyq ІІD baspasóz qyzmetinen.
Vedomstvonyń atap ótýinshe, departamentke qalalyq jolaýshylar kóliginde aqshalary men uıaly telefondaryn urlatyp alǵan elordalyq úsh turǵyn aryz bergen. Zardap shegýshilerdiń aıtýynsha, joǵalǵan zattar sómkelerinen jáne syrtqy kıimderiniń qaltalarynan eleýsiz urlanǵan.
Qalta urylaryn qylmys ústinde qolǵa túsirý úshin Astana qalalyq ІІD Tergeý basqarmasynyń qyzmetkerlerinen turatyn top qurylyp, olar baǵyttyq avtobýstyń salonynda urlyq ústinde 3 jas jigitti ustady.
Ustalǵandardyń jek basyn naqtylaý barysynda olardyń Qaraǵandy oblysynda dúnıege kelgenderi, buǵan deıin sotty bolǵandary jáne Astana qalasynda ýaqytsha turatyndyqtary anyqtaldy.
Qalta urylaryna qatysty QR Qylmystyq kodeksiniń 175 babyna sáıkes qylmystyq is qozǵaldy. Olar qazirgi ýaqytta Astana qalalyq ІІD-niń ýaqytsha oqshaýlaý ornyna qamaldy. Polıtsııa qyzmetkerleri urylardyń osyndaı basqa da qylmystarǵa qatystylyǵyn tekserý ústinde.
