Elordada Qaldaıaqov kóshesiniń sol jaǵalaýǵa aparatyn bóligi jabylady

NUR-SULTAN. QazAqparat – Nur-Sultan qalalyq polıtsııa departamenti káriz júıesine júrgiziletin qurylys jumystaryna baılanysty Qaldaıaqov kóshesiniń bir bóligi jabylatynyn eskertti, dep habarlaıdy QazAqparat tilshisi.

«Osy jyldyń 16 naýryzynan 3 sáýirine deıin Qaldaıaqov kóshesiniń sol jaǵalaýǵa aparatyn Táýelsizdik dańǵylynan bastalǵan bóligi nóser kárizi qurylysy boıynsha júrgiziletin jumystarǵa baılanysty jabylady. Táýelsizdik dańǵylynan sol jaǵalaýǵa shyǵý úshin Qaldaıaqov kóshesiniń jabylǵan bóligin aınalyp ótip Nájimedenov kóshesimen M-3 kópirine shyǵý kerek. Al sol jaǵalaýdan M-3 kópiri arqyly Táýelsizdik dańǵylyna baǵyt alǵan kólikter Qaldaıaqov kóshesimen tek tik júrýi (nemese Panfılov kóshesinen ońǵa burylýy) kerek», - dep habarlaıdy qalalyq polıtsııa departamentinen.

«Frantsýz kvartaly» turǵyn úı alaby jaqtan Panfılov kóshesimen kele jatyp Qaldaıaqov kóshesine tússeńiz tek ońǵa Táýelsizdik dańǵylyna burylýǵa ruqsat bar. Sol jaǵalaýǵa barý úshin solǵa burylýǵa da, tik júrýge de shekteı qoıylady.

«Osyǵan baılanysty Nur-Sultan qalasynyń polıtsııa departamenti elorda turǵyndary men meımandaryna jolǵa shyqqanda aldyn ala josparlaýdy suradıy. Atalǵan ýchaskede saǵatyna 20-40 shaqyrymmen ǵana júrýge bolady», - dep habarlaıdy departamentten.