Elordada qalalyq birneshe avtobýs baǵdary ýaqytsha toqtatyldy
NUR-SULTAN. QazAqparat – Elordada qalalyq birneshe avtobýs baǵdary ýaqytsha toqtatyldy. Bul jaıynda Astana LRT kompanııasynyń Facebook paraqshasynda jarııalanǵan aqparatta aıtylǵan, dep habarlaıdy QazAqparat tilshisi.
«Joldardy qar basýyna baılanysty №80, 103, 105 baǵdarlar avtobýstary bazadan shyǵa almady. Sol sebepti atalǵan marshrýttar qozǵalysy ýaqytsha toqtatyldy. Baǵdarlar qozǵalysynyń qalpyna keltirilýi týraly qosymsha habarlanatyn bolady», delingen taratylǵan aqparatta.
Sonymen qatar kompanııa aýa raıynyń nasharlaýyna baılanysty keıbir qalalyq baǵdarlardy kútý ýaqyty artatyndyǵyn eskertedi.
«Joldyń nashar kórinýine jáne joldardy qar basýyna baılanysty qaladaǵy jalpy qozǵalys jyldamdyǵy tómendedi, ıaǵnı barlyq kólikter baıaý júredi. Avtobýstyń kólemi úlken bolǵandyqtan, qoǵamdyq kólik júrgizýshileri saq bolýy kerek. Bul eń aldymen jolaýshylardyń qaýipsizdigi úshin qajetti shara», - dedi kompanııadan.
Elordanyń qoǵamdyq kóligine qatysty jańalyqtardy Astana LRT facebook jáne instagram paraqshalarynan jáne www.alrt.kz saıtynan bilýge bolady.
